Penseiri iDeA

Bydd Penseiri iDeA yn dod ag arbenigedd yn y broses ddylunio o’r cysyniad i’r cwblhau, gyda’n profiad o ddylunio adeiladau newydd, cadwraeth hanesyddol, dylunio cynaliadwy ac ecolegol, ac adeiladau cymunedol ac addysgol. Mae gan y ddau gyfarwyddwr ymarfer addysgu parhaus ar lefel gradd, sy’n ein galluogi i ymchwilio i ystod ehangach o brosiectau, gan gynnwys adfywio trefol a’r rhyngwyneb Celf/Pensaernïaeth wrth wella dylunio trefol.

Mae’r cefndir hwn wedi ein helpu i ddatblygu dull arbrofol y byddwn yn ei gyfarwyddo o fewn ‘labordy tref’ y prosiect ei hun. Rydym wedi ein hyfforddi yn y sgiliau creadigol a dadansoddol sydd eu hangen i ddatblygu arbenigedd lleol, trylwyr, ac i fynd i’r afael â’r tasgau allweddol ar gyfer cymryd arweinyddiaeth greadigol yng nghonsortiwm Confluence ac i ddatblygu gweledigaeth ar gyfer y dref trwy broses o:

• Adnabod asedau
• Gweld posibiliadau newydd a’u meithrin
• Cydnabod a diffinio beth sydd ar goll
• Creu’r amodau cywir ar gyfer twf
• Denu pobl a denu egni creadigol
• Fel penseiri rydym wedi arfer â chymryd golwg hirdymor a’n rôl ni fydd dal gweledigaeth greadigol a fydd yn cefnogi ac yn meithrin adfywiad strategol Hwlffordd dros y degawd nesaf.

Bydd Penseiri iDeA yn gweithio’n gyson i ddarparu cyfeiriad creadigol mewn cydweithrediad â spacetocreate, ac i gefnogi’r bartneriaeth trwy gyfathrebu, rhwydweithio, rheoli, cynllunio a chysylltu â’r asiantaethau eraill a fydd yn rhan o ddatblygu ac adfywio’r dref.